منتدى قبيلة الزبون - قصيدة لشاعر : رابح بن صنيتان الزبني ( أبو تركي ) الذيب

البارحة قلبي غدى عـن نومـه
سهران طول الليل ياناس محتـار
محتار من رجلٍ ملـوث علومـه
يحاول ينزل من قدر مكرم الجـار
اللي على الواجب قويه عزومـه
رجلٍ على جاره بختـري ونـوار
ياسعد من حطك عضيد بلزومـه
بالجاه والا الطيب والا بالأعمـار
بحر الوفا والطيب دايـم عومـه
رجل المواقف والوفا نسل الأحرار
معروف بن دابس عسى الله يدومه
شيخٍ ولد شيخٍ على الطيب والكار
سيفن صقيلة يعجبك في هجومـه
في ساحةٍ فيها من الخـوف دوار
هذا السعيدي ماشي في سلومـه
مايلتفت للي مـع النـاس ثرثـار
لآن الخبل ياناس محـدن يلومـه
ممحون بالنمه وبالكـذب بيطـار
محدن يلومه لو يكثـر أحلومـه
مير المصيبه لاوصل سلك الأخطار
عايش بهالدنيـا بـزود ونعومـه
ولايدري المسكين لي ولع النـار
أكبر مصيبه من تفكـك ألحومـه
يبقى الحسد والحقد بكبار وصغـار
ناس تحب الشر وناس مهزومـه
هذا كلام الليةعلى النـاس قهـار
وأحلف برب البيت وأقسم قسومه
أن السعيدي من أهل الطيب والكار
المجد يسكن في عوالي رجومـه
والا الردي ماله مع الناس تذكـار