|
تعدتـني مــزون الخيــر ولا هـلت علي غيــوم..........ولا طـشت قطـر مـاها ولا لـي لاح بـارقها تعــدت برقـها ثـايـر ودنــدان الرعــود يــزوم..........وأنا نفسي لها تشفق وعيني ماتفـارقها تعــدت أرض عـطشـانة تشقـق هـلت الديمـوم..........ثمـان سنيـن هلكـانة سموم القيـظ حارقها كـواها القيــظ بشمـوسه ولا بـرد عليـها يـوم..........تكـسر غصنها الليـن لهيـب الوقت سارقها توفى غصنـها واقـف ولاتدري عن المقسـوم..........ريـاح وشمس تكويها وتطـب عون خـالقها وهلت فـوق معمـورة عنـاها والشقـا معـدوم..........عليها بالنهـار غيـوم نسيـم الليـل طـارقها يجيها اللي تبي وافي لاهو ناقص ولامقسوم..........عليها الخيـر متكـاثر تقول الخير عـاشقها ولكـن دامـها قــدرة رضيـنا والقــدر محتــوم..........ولانجـزع وإذا غـابت رجـانا مع مشـارقها وتبقى نظرة الظـامي تعبر عن شقا المحروم..........وترجـي هـاطل الغيـمة بصيف حت وارقها ومـزون الخيــر مرتـني ولا هلت علي غيــوم..........ولا بلـت ظمــا جـوفي ولا لـي لاح بـارقها |
والله إنك فوق راااسي ياالزعيم.. لك جزيل الشكر ووسام احترام. |
البال سجن الهم.. و الصبـر حـرًاس واليوم مثل الأمس.. والأمـس قاسـي أصبح على هوجاس..وامسي بهوجاس رآسي وما ادراك باللـي فـي راسـي اليآس طاغي والامل!! ضاع فاليـاس هذا وانا اللي ميزتـي قـو .. باسـي جالس في وسط الناس.. ماني مع الناس ربعي و ناسـي كنهـم غيـر ناسـي يا وجد حالي كل مـا هـب نسنـاس ابحـر مـع هجـوسٍ بليـا مراسـي مع كل هبًه.. يبتدي حبـس الانفـاس واعقد حجاجـي والخفـوق امتناسـي اللي وهبته حب..وافـراح..و ألمـاس واسقيـه كاسـي وقـت ذروة يباسـي كنت آتنومـس فـي محبتـه نومـاس وكان الوحيـد اللـي بقلبـي اساسـي شخصٍ حسبته صافي القلـب حسـاس وظنيت قلبـي طـاح فيـه امتواسـي واثري انا واحلامـي البيـض يالئًـاس غدره!! غرف قلبي.. و موًت حماسي يا هم عينٍ مـا لفـى حولهـا نعـاس دقـات قلبـي حارمتـنـي نعـاسـي مغبون.. غبن اكليب من غدر جسـاس و ازريت اكون ابـرد فعلـي سياسـي ماهيب والله خفـة القلـب و الـراس ثقلـي.. يحطـم كـل رقـمٍ قياسـي لكن انا ما نيـب واحـد مـن النـاس وهذا ماهو قـدري ولا هـو مقاسـي واسمي اذا حطوه من بيـن الاقـواس ما هو ترى من صورتـي او لباسـي باقواس لاني بالشعـر طيـر قرنـاس ويطيب شعري من بعض طيب رآسي و كاني انا اخطيت و امًنت (جسًاس).. مليون (زيرٍ) بيـن ربعـي و ناسـي |
خلك جبل ماكل ريح ٍ تهزهـ!! .عشان ترفع راس من هو سأل عنك! احذر عدوك بالحكي تستفزهـ.× .لاتامنه ولو كان يضــحك ويأمنـــك! كم واحد يفز بالوجه فزهـ.* يضحك وهو من داخل القلب يلعنك!! |
ليه الحظوظ العامـره للردييـن!! وحظوظ من يوفون دايم رديـه!! اضحك واجامل واكثر الناس دارين في حالتي ماهـي عليهـم خفيـه لاشاافو المجنون قالوا مسيكين! وأنا اقول بهمـس: لااا وا هنيـه! |
الهرج كثره نقص ’’ والصمت حكمه ’’ والعقل قّله بالهروج الكثيرة كم لاجل كلمه واحد سال دمه ’’’ وكم ساكت كل الملا تستشيره |
مشكوووورة اختي بنت صقر الجزيرة على الفكرة الرائعة |
قالوا حبيبك يسمع الشعر قلت أيه .......................يـقـراه بعـيـونـي قـبــل تسمـعـونـه لولاه حتـى طـاري الشعـر مـا ابيـه .......................مير أكتبـه مـن شـان خاطـر عيونـه هـو روح شعـري وأمنياتـه وماضيـه .......................جذع الشجر وش كان لـولا غصونـه اكتـب لغيـره والقصايـد تجـي فـيـه .......................كــن القصـايـد حالـفـه مـــا تـخـونـه هـذاك لا منـه زعـل قـمـت أهـاديـه .......................حتـى وهـو مخطـي تـعـذرت دونــه يمكن لـو أنـه يلمـس الجـرح بيديـه .......................يستغرب ان اللـي لمسهـا طعونـه ابطـى وهـو غـايـب وزلــت حـراويـه .......................وأنــا مــن الـعــام آتـحــرى مـزونــه هو مادرى اني فـي غيابـه محاتيـه .......................ليته نشد عـن حالـي اللـي يجونـه واقلبـي اللـي تــوه أفـلـت عـراويـه .......................كيف انسرق وضلوع قلبي حصونـه عـجـزت أرده كــان مـانــي بـراعـيـه .......................يوم انتثـر شوقـه وهاضـت شجونـه يبسـن عروقـي لكـن اللـي يعـزيـه .......................ان اكـثــر الـعـالــم تــــردد لـحـونــه خـافـو مــن الله لا تجيـبـون طـاريــه .......................لا صــرت أنــا مـوجــود لا تـذكـرونـه لــو كــل غـالـي جـابـه الله لغالـيـه .......................ما شفت لك مخلوق تبكـي عيونـه |
باكر يروح الشتاء والثلج قصره يسيـح مايفضح الثلج غير الشمـس وشروقهـا |
|
| الساعة الآن 07:02 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Search Engine Friendly URLs by vBSEO 3.6.0
Managed hosting By: SubHosting.net