منتدى قبيلة الزبون - اهــــــــــــــــداء الى بنت صقر الجزيره .............بعد غيابك

منتدى قبيلة الزبون (http://www.alzbon.com/vb/index.php)

- المنتدى العام
(http://www.alzbon.com/vb/f2.html)

اهــــــــــــــــداء الى بنت صقر الجزيره .............بعد غيابك

فزّ الخفوق وقلت يالله عسى خير

أثر الليالي عاد غايب قمرها

مع شوفته نشوه و فزّه و تخدير

و عيون خلاّن(ن) تعانق نظرها

يفزّ له قلبي كما فزّة الطير

و الرجل كن اللي تحتها غدرها

يا صبح عمري يا صباح التباشير

نوره ملا قلبي و روحي غمرها

عقب الفراق اللي تعدّى المحاذير

يبّس غصون القلب جافي دهرها

ربّع بـروحي عقب ماهي معاسير

سحابة(ن) هلّت بقلبي مطرها

و اسقَى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درَى عن حال عيني عذرها

تشوم عيني عن جميع الغنادير

و إن ناظرت عيني فوادي نهرها

يا ناس احبه و المحبه مقادير

هذا هوَى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها

لا جيت اصوّر حالة الحب تصوير

و أرد عن حالي لخلّي خبرها

لقيت وجدي فوق كل التعابير

كل الشعر قطره و شوقي بحرها
مع تحياتي ::::بنــــــــــــــــــــــــت النجــــــــــــــــــــــــووم

ماشاءالله ابداع اختي

وبنت صقر الجزيرة تستاهل هالابيات

تحياتي

هلابك أختي بنت النجوم ...الف شكر لك على الأهداء ...والله لايحرمني منكم’’’
واسفه على سبب غيابي لظروووفي الخاااصه....لاخلا ولاعدم منك...والله يحفظك ويرعااااك..
اسعدني الأهداء ...وهذا أن دل يدل على معدنك الطيب يالغلا...دمتي بخير.

تستاهل بنت صقر الجزيرة الترحيب ونا ارحب فيها بعد غيابها http://islamroses.com/zeenah_images/reeree001.gif

حياك الله اختي (بنت صقر الجزيره ) وتستاهل الابيات التي نثرتها اختي بنت النجوم

وبصراحه فتقدنا المواضيع الجميله كما عودتنا اختي الفاضله على طلتها الجميله في مواضيعها

وبعودتهاا اكيد راح نشوف المواضيع الجميله التي فقدهااا المنتدى
وياهلا ومرحبا في اختي الكريمه

تقبلي تحيات اخوك (ابو حاكم)

وحشتنى في غيبتك والف ترحــاب **** في جيتك يا أجمل حروف القصيده
يامبدعه ياحاكمة حرف الأعجــاب **** ياجوهر (ن) ف البنك غالي رصيده

مشكوره بنت النجوم ع اهداء لبنت صقر الجزيره وبنت صقر الجزيره
تستاهل كل خير والله انك طولتي الغيبه بس مايخالف اهم شي رجعتي
ويسعدنا رجوعك واهدي هذي الابيات لاغلى واعز انسانه

هلا باللي وصل عطره قبل ماتوصل مراكيبه
مثل غيث قبل ياصل يجي ريح ونهلي به
ياهلا بك ياغلى المقبلين
ويامرحبا بقلبك وموطاك

وتقبلوووا مروري
نـــــــزف المشــــــــــــــاعر

هلا هلا بأختي منوره ....وشكر لبنت النجوم على البادره الطيبه منها..

والله يديمكم.