|
ردية بين منور بن فريح ووالدي حادي بن عادي قصيدة منور ..... شخص (ن)بكيته حي وشلون لامات ..ابكيه موجود (ن)ولاابكيه مفقود بان المرض بطراف جسمه علامات ..عسى المرض بالجسم ينقص ولا يزود يالله عسى تاتي النتيجه سلامات ..ياحي يامعبود ياخير موجود هوذخرنا هو درعنا بالمهمات .. لاصار عند البير طارد ومطرود هيهات مامثله بهالجيل هيهات .. له رايتن بالعز والفعل محمود بعده تهون مصيبتي والمصيبات .. لابكي علي ميت ولاافرح بمولود قصيدة حادي بن عادي يفيض دمعي لاذكر كل مافات @ مير البلا مافات ماضنه يعود يامنور ابكي ولاعليه ملامات @ مدام نبكي الحر مافيه منقود الصعب كايد وامر الهين سهالات @ يهون دمعي دام نبكيه موجود ياشين حالي يوم جتنا مسجات @ مضمونها جابت نبأ غيرمحمود من عقبها قمت انثر الدمع بسكات @ كني فجيع (ن)تالي الليل مهجود ابكي ولالي عقب ماجد حسافات @يشفيه ربي اللي له الكون مردود ماضن عقبه نلقي للطيب هامات @مقرود ياللي يامن الوقت مقرود يبكيه من جاته من الوقت صكات @واللي تعنى ولالقي من العنى فود تبكيه بيض (ن)على جاله مسوات @ للضيف دايم مالها وقت محدود يالله عسى النتيجه تاتي سلامات @ياحي ياموجود ياخير معبود وسلامتكم |
يالله عسى النتيجه تجي سلامات..........يارب يامعبود ياخير موجود ونحن نقول اللهمّ آمين اللهم ّآمين اللهم أشفيه وأشفي جميع مرضى المسلمين ماجد والدٌ للجميع الرثاء واضح بالقصيده ولم اعلم بمرضه الاّ من خلال القصيدة ارجو ياأخ صدام ان ترسل لي إذا كان يرقد بأحدى المستشفيات لزيارته ولتكون الرساله خاصه لك مني اجمل تحيه |
حياك الله اخوي عضو الشرقيه الحمدلله العم ماجد مافيه الا العافيه الان والقصيده لها الان اكثر من شهرين وحبيت انقلها هنا بالمنتدى اشكر لك اهتمامك الشديد اخوك |
الحمدلله على السلامته مايشوف شرماجد انشاالله ويعطيك العافيه اخوي صدام ابيات قمت الروعه |
قصيده ممتازه من الشخصين الشاعر منور بن حلان والشاعر حادي عادي والله يشفى المريض ابو عادي |
| الساعة الآن 02:33 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
Search Engine Friendly URLs by vBSEO 3.6.0
Managed hosting By: SubHosting.net