منتدى قبيلة الزبون

قصة مها

مها بنت مزيونه بنت قبايل، امها متوفيه من يوم هي صغيره، ابوها معرس وهي عايشه عند خالتها . المهم البنت كانت تحب ولد عمها عمر وهو بعد كان يحبها، كانت من بينهم احلى قصة حب عرفها التاريخ الحديث. كان الحب اللي بينهم اقوى من كل شي، مها تحدت اهلها وعمر ما قصر هو بعد تحدى اهله هذا كله علشان ياخذون بعض وليته ما خذها... ليته ما خذها...

عقب سنه من التحدي وافقوا الأهل مجبورين وليتهم ما وافقوااا، ااااااااااااااااه يا مها ... عرست مها وخذت عمر حبيبها وعاشت في البدايه وياه احلى ايام عمرها... عقب العرس بشهرين عمر انكشف على حقيقته عمر كان اكبر لعاب في دبي هب مخلي بنت في حالها كل مره ويا وحده، مها عرفت الموضوع وقالت احسن شي انها تحمل علشان تقبضه.. بس لا عمر ما يتوب و المسكينه من الحزن طاح اللي في بطنها.. عمر قام يستسمح منها ويراضيها ويقول انه ما بيعيدها مره ثانيه، المهم عمر سافر امريكا علشان يكمل دراسته ومها تمت في البلاد لأنه الدكاتره منعوها من السفر..

اخبار عمر كانت توصل لمها اول بأول وكانت اخباره ما تسر ولاتفرح، المسكينه قالت أنها لازم تسافر عنده علشان ما يتمادى في الغلط.. وسافرت مها وليتها ما سافرت المسكينه شافت الويل وياه هناك ومحد عارف شو السبب في اللي يصير.. عمر شاف انهم لازم يردون البلاد ويوم ردوا طاحت عليهم مها والدكاتره يقولون انه ما فيها اي عوق.. اهلها ما قدروا يشوفونها على هالحاله كل يوم وريلها ما ينشد عنها فقاموا ويابولها شيخ من مشايخ السعوديه علشان يقرا عليها ويشوف شو عوقها، وكانت المفاجأه قويه ام عمر مسويه يميع السويات للبنت علشان تفرق من بينهم!!!!...

الشيخ كلم عمر وقاله ابعد انته وحرمتك عن البيت شوي لين ما تهدى الأوضاع.. بس وين تهدى الأمور؟؟؟ مها حملت للمره الثانيه ويوم عرفت ام عمر قامت القيامه عندها وما هدت لين ما طاح اللي في بطنها وطاحت هي في غيبوبه وسبحان الله قامت مها على خبر انه عمر رد امريكا بدل ما يكون عندها ويواسيها سار امريكا يكمل لعبه واستهتاره...

بعد فتره عمر رد من امريكا على امل انه مها تسامحه والمعروف عن مها انه قلبها وايد طيب وبسرعه تسامح اي انسان كيف عاد اذا كان حبيبها وريلها عمر، وبعد هالسالفه بثلاث شهور حملت الغاليه وكانت يايه عندي تبشرني وليتها ما يت وهي فعلا ما يت تعرفون شو صار وهي في الدرب انجلبت بها السياره والله حراااااااااااااااااام يا ناس راحت مها راحت الغاليه وتعرفون شو السبب ام عمر هي السبب هي مسوتلها سوا وحاطتنه في سيارتها...

شفتوا الحقد لين وين وصل .... مها ماتت وهي عمرها 17 سنه وماتت وبعدها ما شافت الدنيا وعمر بعده على حالته....

(اااااااااااااااااااااااااااه يا مهاااااااا)
</b></i>