عابرة سبيل
اول سيرتها
اسمها الحقيقي وسميه الرشيدي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا
وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها
الا عندما اعترفت له بذلك اثناء مرضها
وزوجها هو من تولى طباعة ديوانها ورفظت
هي ان تستلم دينارا واحدا من مبيعاته
وهذا دليل على روعه هالشاعر ة الطيبه رحمها الله ...
مختارات من شعرها
أهلي يدرون إنـي شاعـرة=
بس مايدرون في جرح الليالي
يمنعوني من كتابـة خاطـرة=
مادروا إني من زمان بهالمجـال
آه لو يدرون اني (( عابرة ))=
عندهم بتصير موتتنا .. حلال
يسألوني
يسألوني عابـره ويـن الجديـد
والاجابـه ضايقـه فينـي ملـل
راحت ايام السعـاده والقصيـد
عشتهـا بيـن التكانـه والجهـل
كنت اروض شارد الحرف العنيد
ماعسرني لو بغيته فـي عجـل
فيه اصور لوعة الحـب الاكيـد
ومنّه(اشكل) ماحوى قلبي غـزل
ومعه (اسافر) عن معاناتي بعيـد
ولأجل حبه ماشحنّي من زعـل
احضنه (فرحة) طفل في يوم عيد
واسكنه (روض) الخزاما والنفل
واحتويته ليت لي (قلـب ٍ) بليـد
ماعرف (فرق) الجزاله والهزل
والنهايه مابقـى عنـدي جديـد
واعذروني صارت ايامـي ملـل
........................................
........................................
الوصيه
تـرى الذبايـح وأهلهـا ماتسّلينـي
أنا أدري إن المرض لا يمكن علاجه
أدري تبي راحتي لا يابعـد عينـي
حرام ما قصّرت يديك فـي حاجـه
أخـذ وصاتـي وأمانـه لاتبّكينـي
لو كان لك خاطرٍ ما ودي أزعاجـه
أبيك في يديـك تشهدنـي وتسقينـي
أمانتك لا يجـي جسمـي بثلاجـه
لف الكفن في يديك وضف رجلينـي
ما غيرك أحدٍ كشف حسناه واحراجه
أبيك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى ما بينك وبيني
أيام نمشـي عـدل وأيـام منعاجـه
همي عيالي وأنا اللي فـيْ كافينـي
علمهـم الديـن تفسيـره ومنهاجـه
ودتم سالمين