حاولت اسوي مثل هالناس واعيش
واضحك بوجه الغدر ثم ابتسمله
أعطي لمن يهوى المتاهات تطنيش
واخذ من اعلوم الشرف كل خصله
لكن ليا جا مدّعي ينفش الريش
عديت له من قافي اليوم حله
أنا بنيّه..بس في داخلي جيش
بدر الوفى ترقا على ذا وشكله
ما داني الخفــّه ولا داني الطيش
ديني حجابي سجدتي كل وهله
إن صرت طيب قالوا الناس لك ليش
وان صرت خاين جاوب الزير طبله
صارت حياة الحق حجه وتهويش
وقت ٍ به اسواق الردى بيع جمله
__________________
ماعاد باقي للزمن عندي اعـــــــــذار
مدام صار الوقت هجر وقطـــــــاعه
شربــت من جور الزمن خمس أنـهار
حــزن وفرح وحلم وخيــــال وقناعه
وبيني وبين الحــظ غربيه ومشــوار
همي سنــــــه وفراااح دنــياي ساعه |