الحمد الله جونا زين وامطار
وكلن يزف لمن يعزه التهاني
عقب الجفا استبشرت الاقطار
فرحه بوادي نجد واهل المباني
والفـضل لـعالم خفيـات الاسرار
وبـقدرته سـال البـلد والزماني
قربلي يابو عوض جيـب فكسار
جانه الربيع وراح وقت الازماني
ابـيلي فياضاّ بها حوايج العطـار
وام سالم وسطه تجر الاحـــاني
مع رفـقه يحـبون شبه النـــار
ودلـلاّ علئ الجـال ببناّ يماني
لتعزويت في واحد منهم ثـار
رفقه مافرقهم طول الزمــــاني
الا والله زعلت وشانة اوضاعي
من ضيقة الصدر جريت هجينيه
امشي مع النار لانايم ولا واعي
متعومس البال والاخلاق تجاريه
الميسم الي كواني بين الاضلاعي
اسـج من كيه ويجـدد بي الكـيه
سبة هنوفاّ القلب بعدها ضاعي
ذكرتني ياصاحبي بهنوفاّ كويتيه
راكبه فوق فكسار نوره لامـاعي
ابيض جديد ولوحاته ارقام خليجيه
حـاولت اكلمه بس لسـاني مطاعي
ابعـد وخلانـي لاهـاذي ولا ذيـه
يـالله يـسامـع دعـاء السـاعـي
ان تجـبر قلبـي وتلاقيـه فيـه