وقال أيضاً
والله ما ندري وأيش يجيبن الأقدار ****** دنيا تفرق بين غالي وغالي
نفرح ليا جانا من الطايف أخبار ****** وأهل المويه وظلم دايم ببالي
نفرح ليا جانا من الربع زوار ****** هاك الرجال اللي لهم قدر عالي
وإليا الفخر في مدح وافين الاشبار ****** عوض وفيصل من زحول الرجالي
وبجد وعبدالله ونجر مع ذعار ******* ومحمد وخالد زميل المثالي
عيال رجلٍ مكرم الضيف والجار ******* سم العدا وعز الصديق الموالي
حر وعقبله سلاطين وأحرار ******* والطيب صار شعارهم لا يزالي
وقال أيضاً
من لا يحسب طاح في شبك الادراك ****** ومن ما غدا ذيبٍ كلته الذيابه
لازم تقدي خطوتك قد ما طاك ****** ولا كل ما هدف على شيء صابه
خلك مع رجلٍ مثلك وشرواك ****** ذيب لا يا شافته الثعالب تعافه
وقال أيضاً
يا وجودي يا بوخالد على شوف الصغير** وجد مسجون المؤبد على شوفة هله
مبرم حكمه ولا له مفر ومطير *** مصدره وموقعه قاضي المستعجلة
أو وجود اللي قضى سنين من عمره أسير** في يدينه سلسلة وفي رجوله سلسله
صار سجانه يهودي ولا عنده ضمير *** ما يخاف الله يعامله بأسوأ معامله
يلتفت للباب ليا حرك الباب الخفير *** ما يعرف اللي يقوله لو أنه يسأله
المحبة تلعب بحسبة الرجل الكبير *** كبر سنه مشكلة والمحبة مشكله
لي حبيب له معزة عن العربان غير *** مستحلٍ كل قلبي وفكري مشغله