|
   |
| |||||||
| منتدى الشعر الشعبي :: هنا تجدون الشعر الشعبي من القائل :: |
 |
| | LinkBack | أدوات الموضوع | إبحث في الموضوع | انواع عرض الموضوع |
09-15-2009, 04:17 PM
| #1 (permalink) |
| مشرف منتديات التعليم والتدريب   تاريخ التسجيل: Sep 2009
المشاركات: 413
معدل تقييم المستوى: 15  |  قصائد صقر النصافي عنوان القصيدة(يا مل قلبي عن وليفه طوى اليـاس) يا مل قلبي عن وليفه طوى اليـاس فاخت مواجهتـه صبـاح ومماسـي ما عاد له زول نشوفه مـع النـاس ولا سمع بصوته مع جميع الحساسي منـولٍ ويـاه ممشـا ومـجـلاس واليوم في قبـر رسومـه رواسـي يا محترف للرزق مع كل منطـاس الى غفل خطـو الرقـود الهداسـي الله يبيحه عنـده العـرف بقيـاس مال الردى والطيب عنـده تواسـي يضحك لصدقانه ويضحك للنجـاس واللي بقلبه مـا لحـق لـه قياسـي ليته يذكر حـي لـو عنـد حبـاس لو هو بديره ما بها عـرف ناسـي لو كان حبسه مـدة تاخـذا رمـاس ذكره على الدنيا ولا قطـع ياسـي اما نزوره فوق عجـلات الارمـاس والا يجي بعـد انطـلاق الحباسـي والا يا ليتـه مـدة بالمـرض داس اجلس انـا وايـاه وابـرد حناسـي لكن جاه المـوت قطـاع الأنفـاس كسـرة عصاتـنٍ حطبهـا يباسـي لا شك قلبي صايبه حـب الافـلاس لا شايف زولـه ولا عنـه ناسـي اقوم واقعد مثل ملجوج الاضـراس واضحك وانا في خاطري كسر باسي لاشفت غرضانه ولـو كـان دراس جريـت بالونـه وهزيـت راسـي عنوان القصيدة(قالوا علامك يالنصافـي تخايـل) قالوا علامك يالنصافـي تخايـل كنّك تخيل البرق ويـن اشتعالـه قلت ابا اخايل نشر ضافي الجدايل شدّ الشديد ووين تمشـي رحالـه اشوف مظهور اريش العين شايل تـوّه علـي تثويرتـه باحتمالـه قفّى وانا قفّيـت فـوق الرحايـل ما عاد عيني تمتلي مـن خيالـه عنوان القصيدة(يامل قلب(ن) هاضه الورع ببكاه) يامل قلب(ن) هاضـه الـورع ببكـاه يبكي علـى امـه والعـرب غافلينـى ورع(ن) تذكـر ديـرة امـه ومربـاه ذكـر علـي وهلـت الدمـع عينـي ياورع يابعـد العـرب عنـك بعـداه ويلك علـى شوفـه عيـال القطينـى ماحولك الا الهيـر صافـي كدرمـاه والا العرب عـن ماقعـك نازحينـى كم من غدير(ن) صافي(ن) غثبرت ماه وكم جاسي مـن ضـد بقعـا يلينـى دنيـاك ماخلـت مغـطـا بمغـطـاه نوب(ن) تشين النا ونـوب(ن) تزينـي مير انت بشرني عسا الصبـر تقـواه سيروهـم لـو اجنـبـوا مشمليـنـي عنوان القصيدة(يا صاحبي) ياصاحبي ماني براعـي مهـاداه اماارضني وإلا اجفني واستخيري اما تعـال وماطلبنـاك عطنـاه وإلا تروح وجعل دربك سفيـري من شق شق يااريش العين يرفـاه وانت الذي شقيت خافي ضميري تضحك وانا صملان قلبي مطواه تقول لي ليـن الفلـك يستديـري مانيب من يطرد سراب بمضمـاه شاف السراب ويحسب انه غديري عيني على شوف الولايف مضراه جزوع لاشفت الجفا من عشيري مايستوي حـب بليـا مراضـاه بيني وبينك ياالغضي مايصيـري عنوان القصيدة(ياعينـي علامـج ترفيـن) اليـوم ياعينـي علامـج ترفيـن ولانتي على العاده بنثر الدموعـي اما يبي يلفيج علـم مهـو زيـن ولاتذكر ماغـداء مـن ربوعـي ياكثرة مانذكر من النـاس غاليـن حدر الثرى ماعاد فيهم رجوعـي راحو مراح فيـه ماهـم ملفيـن صارت منازلهم عذاب الشوعـي الله على وقت مضى قبل هالحين اعسر على اليوم من حب كوعـي اليا ذكرتـه والمخاليـج غافيـن جريت مايفتح مفالـج اضلوعـي يوم وقتي مقبـل يدعـج العيـن عروس عشق ومعجبتها الدفوعي واليوم وقتي صار بيـن الياهيـن لي طاب لي يوم خبت لي اسبوعي دنيا نبي منهـا عـدال الموازيـن وتميل لوني في خطاها جزوعـي تضحك الناس بالفرح مستمريـن وناس تجيهم بالكـدر والفجوعـي وصارت بها سود المقانع شياهـن وفحولها صارت اتبوع التبوعـي ضعيف عنوان القصيدة(قــال: مــن وصــى عـيـالــه) قـال: مـن وصـى عيالـه وده إلهـم بالشكالـه خابر(ن)راعـي الرزالـه بالمجـالـس تشنـعـه يا ((إمهلي)) شوف أخوانك شانهم من صوب شانك عندمـا يزعـل إلسانـك عنهـم الغيـظ أدفعـه وأنت يا((علي))أفتكـر خـل قولـي لـك ذكـر ربعـه الطـيـب شـكـر والــردي لاتتبـعـه يا((مسلم))وأنـا أبـوك العـرب لـو صاحبـوك مايسـرك غيـر أخـوك كـل مايأمـر طـعـه ياعيـالـي كلـكـم أفطـنـوا فــي حالـكـم التـنـازع ذلـكــم والتـصـافـي منـفـعـه أجهـدوا لله بطاعـه وأتبعـوا راعـي الشفاعـه قبـل يـوم فيـه ساعـة عنـد ربـي مرجعـه القصير أمشـوا بحقـه لـو بـدت منـه المشقـه وإن كثـر بالقلـب دقـه طـو بيتـك وأشلـعـه مـادواه الإمراحـه فـي فـراق السـوء راحـه لاتجازيـه بقبـاحـه يــوم ربــه صرقـعـه والخـوي حقـه عليكـم تجعلونـه مـن حديكـم كـل شغلـه فـي يديكـم ليـن ياصـل مربعـه إن تمرجـل كيفـو بـه وإن تـردا عبـرو بـه لـو يصيـر لكـم عقـوبـه قصة(ن)بالمبلـعـه والحمـق يخـر مضـره يلحـق العقيـل شـره ون طـرا راعيـه مـره قـالـوا الله يقطـعـه والصبر عند البلاوي خيـر مـن كثـر الشكـاوي لـو تصيـح ولـو تـلاوي مابغـا الله يصنعـه وأحذروا حقر الفقيـر دعوتـه يمكـن تصيـر.؟ أدخـل الله وأستجيـر قبـل يــذرف مدمـعـه التكبـر للرخـوم يحسـبـون إهــم الـقـروم عندما يبـدى اللـزوم عشرهـم نصـف أربعـه والعـدو لـو زان بالـه أنقلـوا منـه الحمـالـه لـو مغـط ألكـم حبالـه بغظكـم يبقـى مـعـه والصديق بكـل حـال عنـد حظـرات المجـال مدحكـم عنـد الرجـال كـل ماجـاه أشبـعـه والصديـق إليـا نكركـم مـا دواه الأ ظهـركـم وإن خضعتوله حقركم صرتـوا عنـده مضفعـه والتمـنـي مايفـيـد لــو تـزيـده مايـزيـد مثل بق طار مـن إيـد بالهـوى مـن يجمعـه. والحلوف أبغيـر حاجـة كلهـا ذنـب وسماجـة واجـد اللـي باللجاجـة دوم حلـفـه يمطـعـه كـم صبـي(ن) بالرخـا ظنكـم فيـه الصـخـا وأن كربتـوه أرتـخـا كــل عذر(ن)ياسـعـه جـاز مـن كـل الصداقـه والمحبـة واللبـاقـة والسبـب نفسـه أرفاقـه حتـى الانـه تضلعـه والمغفـل يحسبنـه دوم فــي نعـمـة وجـنـة ماخـذ(ن) دنيـاه ظنـه ليـن بقـعـا تصقـعـه ثم يقعد مـن منامـه ملحـق(ن) نفسـه ملامـه عقـب ماشـاف الندامـه يـوم هـاك الكعكعـه الرجـال أبهـم فهـيـم لايـضـام ولا يضـيـم عندمـا يبـدى حلـيـم والحـقـوق مشـرعـة راعـي الصبـر محمـود ليـن مولمتـه تعـود ثـم يـنـزل بالـحـدود والمطـمـن يرفـعـه والرجـال إبهـم ثقيـل كـل عمـره مايعـيـل وإن طمـع فيـه الجبيـل دون حقـه يصفـعـه أن بغيتـه بالمـروه شفـت نــو الخيـر.؟نـوه وأن بغيـت الحـق قـوة طزعينـك باأصبـعـه وإن بـلاك الله بعاقـه مـن مقاريـد الرفـاقـه لاتـوريـه الحمـاقـة لـيـن ربــك يقلـعـه خـل شوفاتـك بعيـدة عنـد نفخاتـه وريــدة ثـم عقب(ن)لاتعيـده السـعـه ثــم السـعـه كم صبي(ن) كل يـوم يعتـزي مـن غيـر قـوم وإن تناطحـت القـروم مايـدانـي الفرقـعـه.!! صايـر(ن) للشـر سبـه ليـن يلقـا مـن يدبـه ثـم يبـرك للمسبـه يـوم جـاه مـن أشبـعـه والسفيه إليـا نهيتـه عـن طريـق(ن) مابغيتـه لـو تـجـره ماقويـتـه والـنـدى مايسمـعـه راح في درب(ن) يضره وأنت شـورك مايسـره والله أنـك لـو تجـره.؟ مايبـي غيـر إسنـعـه والرجال أبهـم كـذوب مايهـاب مـن العيـوب لـو يفـجـر مايـتـوب والـخـزا مايوجـعـه والرجـال أبهـم صـدوق فـي كلامـه مايتـوق يفتهـم كــل الحـقـوق والكـريـم أمسنـعـه والرجـال أبهـم كريـم لاخطـر خلفـت رزيـم وأن طرش.؟قلبـه سليـم كــل زاد(ن) يقنـعـه والرجـال أبهـم بخيـل لاخطـر مـدة قلـيـل وأن طرش.؟مالـه مثيـل يـشـره الله ينـزعـه والحريم أبهـم طبايـع فيهـن التخميـل ضايـع لو بهـم عاصـي وطايـع كـل الأكثـر مندعـه النـصـاح أيبينـنـه والخـمـال إيدمـدمـنـه وإن بغـن دربـن يجنـه لـو عليهـن مسبعـه. ثـم فيهـن مـن حبيبـه رجلهـا تشهـر بطيبـه واهنـي منهـي نصيبـه لـو متاعـه سلـوعـه وإن طرش وأبطى مراحـه أمنـن قلبـه براحـه مايطيـع أهـل القباحـه والجـهـل واللـودعـه ثـم فيهـن شلبديـه تـاكـل الطلـيـان حـيـه والـردي ماهـي رديـه ميـر مـاجـا تبلـعـه رجلها لو جـاب واجـد عندهـا ماهـوب ياجـد أن سكت فـي الفقـر ساجـد وأن تكلـم تسبعـه ثم فيهـن مـن تحوفـك كنهـا تفـرح بشوفـك وأن تبين عـرق جوفـك بيـن إيديهـا تمصعـه تنصحك وهـي العـدوه وأنـت تحسبهـا حمـوه لاتظـن أبهـا مـروه حبـل وصلك...تقطـعـه لاتقـول أن العجـوز عـن طبايعـهـا تـجـوز عنـد طاريهـن تفـوز تضحـك أم الدعـدعـه لو تصير أبـزي ضبعـه مالهـا بالعمـر شبعـه كـل مخلـوق وطبعـه ضايـع مــن طبـعـه ثم فيهـن مـن تعينـك دايـم(ن) يدهـا بيدينـك عندهـا مامثـل زينـك لـو علـيـك مرقـعـه تفتهـم حـق الرجـال عنـد زوجـات الحـلال الدقـاق مـع الجـلال كـل شـئ أبموضـعـه ثم فيهـن مـن تحلـوى شرهـا يبـلاك بلـوى ليـن بلحجـة تعلـوا فـي ثيـاب مطـوعـه.)) تعطيهـا ســدك وأنــت كـتـم الـسـد ودك تصبـح الهرجـه بضـدك فالـنـداه أمصلـعـه ثم فيهن مـن تحبـك وأقشـر ماتشـوف جبـك وألحمتهـا لـو تسبـك فـي جسـدك أمربـعـه أن تكلمـت أفضحتـك وأن تغاظيت.؟أجرمـتـك ون تساكـت نتفتـك نتـف ريــش القوبـعـه بـع أقاصيهـا بدانـي زدتهـا والعمـر فـانـي لاتحـط أبهـا مثانـي ســو بـيـع أمقلفـعـه ثـم فيهـن قشمـريـه صايـبـه ومجادعـيـه عنـد ضحكـات الثنيـه مـن يجيـهـا تلقـعـه السفيـه إليـا نظرهـا دايمـن يلـهـث بثـرهـا وأن بغاهـا ماقدرهـا بــس يلـهـث مدلـعـه مايطيع أهل النصيحه لو لبـس ثـوب الفضيحـه ولا أعظـاه أبمستريـحـه والعـيـون مولـعـه والذهين إليا عرفهـا كـف روجـه مـن ظرفهـا جـاز منـه ماخرفهـا لـو تـكـون أمهينـعـه ثم فيهـن مـن وثيـق سدهـا سـد(ن) غريـق مالنـا شـدهـا الطـريـق قولـهـا ماتطلـعـه سدهـا مثـل الأمانـة عنـد رجـال(ن) تكانـه مايهوجـس بالخيانـه رابـح(ن) مـن ودعــه ياعيالـي جعلـكـم يبـعـث أسـمـي فعلـكـم النصـاح أطيـب لكـم والـردا بــه خرفـعـه أمنـوا تـرى النيـه مـثـل ماقـالـوا مطـيـه لاتصيـر أبكـم رديـه فـي محـول أو زلوعـه الضعيـف إليـا نصاكـم لاتشحـون بعطـاكـم فـي رجـا الله ثـم رجاكـم كـل ماجـا أقنعـه والعطـا ماهـوى بالله كوبتـن كـثـرة وقـلـة ضايـع(ن) راعيـه ضلـه ضـاع والله ضيعـه أفهمـوا قـول المجـرب مابغـا وثت(ن)يطـرب باقـي الدنيـا تخـرب ماحـدن تصفـي مـعـه وألـزم ماعلـى الصبـي طاعـتـه والمذهـبـي والصـلاة علـى النبـي والأمــور أمشمـعـه
__________________ لا ضاقت الدنيا عليك وتشاويت ...خلق الله اللي فالرخا كان واجد ومن العرب والصوت والثوب مليت ... وقامت عليك هموم بقعا تراجد فارفع يديك لخالقك لا توضيت ... وادعو تراك أقرب إليا صرت ساجد ووقت من أوقاتك للأوقات توقيت ..وسجل لنفسك في المساجد تواجد وأبشر بفزعة حامي الدين والبيت .... إليا هجدك من الهواجيس هاجد اللي يميت الحي ثم يحيي الميت .... لرضاه شف كثر البشر بالمساجد |
|  |
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شعر غزل 2010 قصائد غزل جديدة | ابرهيم | منتدى الشعر الشعبي | 2 | 07-22-2010 04:39 PM |
| احدى قصائد والدي حادي ابن عادي | صدام الزبني | منتدى شعراء القبيلة | 9 | 02-21-2010 12:58 PM |
| من قصائد . نشــــمي الزبنـــــي | جهزمنصور | منتدى شعراء القبيلة | 11 | 01-19-2010 12:19 PM |
| اشعار قصائد حامد زيد مكتوبه - ابيات و كلمات قصائد شعر مكتوبه | سلمان الزبني | منتدى الشعر الشعبي | 3 | 01-01-2010 06:27 PM |
| دعوة للمشاركة : لمن يعرف قصائد هؤلاء الشعراء ... | بشير الزبني | منتدى شعراء القبيلة | 9 | 12-15-2009 01:49 PM |
العرض العادي
